Wednesday, July 30, 2014

దశాబ్దాల కల :మచిలీపట్నం పోర్టు ఇక సాకారం అవుతుందంటున్నారు

మచిలీపట్నం పోర్టు నిర్మాణం దశాబ్దాల కలగానే మిగులుతోంది. పోర్టు నిర్మాణం పూర్తైతే కొన్ని వేలమందికి ఉపాధి లభిస్తుంది. పోర్టు నిర్మాణం కోసం అవసరమైన భూ లభ్యతపై జిల్లా యంత్రాంగం సర్వే పూర్తి చేసింది. సమగ్ర నివేదికను ఆంధ్రప్రదేశ్‌ ప్రభుత్వానికి అందజేసింది. 

మహిళా సంరక్షణా హామీలన్నీ నీటిమీద రాతలేనా?

మహిళా రక్షణే మా ప్రభుత్వ ధ్యేయమంటారు. మహిళలను వేధింపుల నుంచి రక్షిస్తామంటారు.. కంటికి రెప్పలా కాపాడుకుంటామంటారు. మాటలు కోటలు దాటుతుంటే, హామీలన్నీ నీటి మీద రాతలవుతున్నాయి. ఇందుకు విజయవాడ బస్సులే సాక్ష్యం.
మన పాలకులు మహిళల రక్షణ కోసం.. ఈ చట్టం తీసుకొచ్చాం.. ఆ చట్టం తీసుకొచ్చామంటూ గొప్పలు చెబుతారు. కానీ ఒకసారి స్త్రీ అడుగు బయటపెట్టిందంటే.. కామంతో చూసే వెయ్యి కళ్ల మధ్య నడవాలి. వారి వెకిలి మాటలను వినీ విననట్టు  వెళ్లిపోవాలి. గుండెను పిండేసేలా వాళ్లు మాట్లాడుతున్నా చూసి చూడనట్టు ఉండాలి. బస్సెక్కితే వారి రుద్దుళ్లను భరించలేక నరకయాతన అనుభవించాలి.

కోలుకునే ప్రయత్నాల్లో కాంగ్రెస్

సార్వత్రిక ఎన్నికల్లో చావుదెబ్బ తిన్న కాంగ్రెస్ ఇప్పుడిప్పుడే కోలుకునే ప్రయత్నాలు చేస్తోంది. త్వరలో విశాఖ మహానగర ఎన్నికలున్నందున ఏపి కాంగ్రెస్ అక్కడ కార్యకర్తల్లో ఉత్సాహం నింపే ప్రయత్నాలు ప్రారంభించింది. పార్టీ భవిష్యత్తుపై భరోసా కల్పించేందుకు అగ్రనాయకులే రంగంలోకి దిగారు.

ఇద్దరు రాష్ట్ర మంత్రులు, ఇద్దరు కేంద్రమంత్రులు 8మంది శాసనసభ్యులతో ఎంతో బలంగా ఉన్న విశాఖ కాంగ్రెస్ ఒక్కసారిగా కుప్పకూలింది. విభజన సెగ తగిలి ఎందరో పార్టీలు మారగా మిగిలినవాళ్లు డిపాజిట్లు కోల్పోయారు. కొత్త ప్రభుత్వం ఏర్పడి రెండు నెలలయినా కాంగ్రెస్ కోలుకోలేదు. రైల్వే చార్జీలు మొదలు కొని ప్రభుత్వం తీసుకున్న ప్రజావ్యతిరేక విధానాలపై ఎలాంటి పోరుబాట పట్టలేదంటే పరిస్థితి అర్థం చేసుకోవచ్చు.

హిట్లర్ జాతీయ వాది, సోషలిస్టుయా? అవునన్న గుజరాత్ పాఠ్యపుస్తకాలు

భారతదేశ చిత్ర పటాన్ని వక్రీకరిచి చూపే పాఠ్యాంశాన్ని గుజరాత్ లో పాఠశాలలో చేర్చిన అంశం వివాదం అయింది. అయితే గుజరాత్లో ఇది కొత్తేమీ కాదు. 2004 లోనే రాష్ట్ర ప్రభుత్వం 9 వ తరగతి సామాజిక శాస్త్ర పుస్తకంలో హిట్లర్ ను జాతీయ వాదిగా, సామ్యవాదిగా కొనియాడింది. త్రీవ్ర నిరసనలు వక్తం అవడంతో, ఆ తర్వాత  గుజరాత్ ప్రభుత్వం హిట్లర్ పై ఉన్న ఈ పాఠ్యంశాన్ని తొలగించింది.  ఒక పాఠ్య పుస్తకంలో 350 ఏళ్ళ మొగల్ పాలనను కేవలం ఒక్క పేరాలో చెప్పారు. 




మరిన్ని విశ్లేషణలకై.........


మనదేశంలో నేపాల్, టిబెట్, శ్రీలంక, బంగ్లాదేశ్, బర్మా (మియమ్నార్) మొదలగు అనేక దేశాలు కలిసాయి, మీకు తెలుసా?

భారతదేశంలో మత స్వేచ్ఛ లేదట, అమెరికా ప్రభుత్వ నివేదికయే ఆరోపిస్తోంది

భారతదేశంలో సహజంగా మత స్వేచ్ఛ ఉన్నప్పటకీ ఇక్కడి విధానాలు, చట్టాలు, ప్రభుత్వ చర్యలు తరచూ మత స్వేచ్ఛకు భంగం కలిగిస్తున్నాయని అమెరికా ప్రభుత్వం విడుదల చేసిన 2013 సంవత్సర అంతర్జాతీయ మత స్వేచ్ఛ నివేదిక ఆరోపించింది.

తరచూ ఇంటర్నెట్లో మైనారిటీ మత సంస్థులు స్వేచ్ఛగా తమ అభిప్రాయాలు తెలుపటానికి భారత ప్రభుత్వం ఆటంకాలు కల్పిస్తోందని అమెరికా ప్రభుత్వ నివేదిక ఆరోపించింది. తరచూ మైనాటరిటీలపై ఈ కారణాన కేసులు పెడ్తున్నారని కూడా అమెరికా ప్రభుత్వ నివేదిక ఆరోపించింది. ఇది తమ మిత్ర దేశాలకు కూడా కోపం తెప్పించే మాట అయినప్పటికి చెప్పక తప్పడం లేదని అమెరికా విదేశాంగ మంత్రి జాన్ కెర్రీ వ్యాఖ్యానించారు. భారతదేశం కూడా అమెరికాలో నల్ల జాతీయులకు హక్కుల ఉల్లంఘన జరుగతోందని నివేదికను విడుదల చేయాల్సిన అవసరం ఎంతైనా ఉంది. 

ఐటి రంగంలో చంద్రబాబు విజన్ 2020

తెలుగు నాట ఐటి రంగానికి గుర్తింపును తెచ్చిన ముఖ్యమంత్రిగా పేరు గాంచిన చంద్రబాబునాయుడు ఆంధ్రప్రదేశ్ రాష్ట్రానికి అందులోను ఐటి రంగానికి విజన్ 2020  ని ఆవిష్కరించారు. 2020 నాటికి ఆంధ్రప్రదేశ్ రాష్ట్రం ఐటి రంగంలో 12 వేల కోట్ల పెట్టుబడులను, ఎలక్ట్రానిక్స్ రంగంలో 30 వేల కోట్ల పెట్టుబడులను ఆకర్షించాలని లక్ష్యంగా పెట్టుకుంది. ఫలితంగా ఐదు లక్షల మందికి ఉద్యోగాలు దొరుకుతాయని అంచనా. కొత్త రాష్ట్రానికి విశాఖ పట్నం ఐటి హబ్ గా ఉంటుంది. అలాగే కాకినాడ, తిరుపతి, అనంతపురం లలో ఐటి రంగాన్ని అభివ్రుద్ధి చేస్తారు. ఇప్పటికే విశాఖలో విస్తరిస్తున్న విప్రో కంపెనీలో 7000 మంది యువకులకు ఉద్యోగాలు కల్పించే విస్తరణ పై అవగాహన కుదరింది.
ఐటి మరియు ఎలక్ట్రానిక్స్, ఇ గవర్నన్స్, నవీన ఆశిష్కరణలలో సామర్థ్యాన్ని పెంపొందించేందుకు మూడు ప్రత్యేక మిషన్లు ఏర్పాటు చేస్తారు. ఇందులో ఆయా రంగాల నిపుణులుంటారు.
ప్రతి కుటుంబంలో ఒక్కరిని ఐటి రంగ ఔత్సాహికునిగా, ప్రతి కుటుంబంలో మరొకరికి ఐటి సాక్షరతను ఇచ్చేలా తయారు చేస్తామని ఈ విజన్ 2020 లక్ష్యంగా పెట్టుకుంది.


Tuesday, July 29, 2014

సల్మాన్ ఖాన్ ‘కిక్’ తో క్రాక్ అవుతున్న బాలీవుడ్, కండలవీరుని రహస్యమేమిటో?

సల్మాన్ ఖాన్ ‘కిక్’ కేలవలం నాలుగు రోజుల్లో 100 కోట్ల కలెక్షన్లను స్వంతం చేసుకుంది. దీనితో బాలీవుడ్ మార్కెట్ పండితులకు అర్థం కావడం లేదట. గత నాలుగేళ్ళలో సల్మాన్ ఖాన్ ఏ సినిమా చేసినా వంద కోట్లు పలుకుతోందట. ఈ కండలవావీరుడు  నటించిన జయహో ఫ్లాప్ అయిందన్న విమర్శలు వచ్చాయి. అయినా, ఇది కూడా 126 కోట్ల కలెక్షన్ తెచ్చిపెట్టిందట. అందుకే జయహో ను 126 కోట్ల ఫ్లాప్ సినిమా అని సల్మాన్ ఖాన్  అభివర్ణించారు. అలాగే సల్మాన్ నటించిన బాడీగార్డ్, రెడీ, దబాంగ్, దబాంగ్ -2, మొదలగు అన్ని సినిమాలు కూడా వంద కోట్లకు పైగా కాసుల వర్షాన్ని కురిపించిందట. దీనితో బిలియన్ కలెక్షన్ కింగ్ గా మారిపోయాడు సల్మాన్ ఖాన్.

అమీర్ ఖాన్, షారూక్ ఖాన్ లాంటి స్టార్ హీరోలు తీసిన సినిమాలు కూడా కలెక్షన్ల విషయంలో కండలవీరుని కన్నా వెనుకబడే ఉన్నారు. అమీర్ ఖాన్ నటించిన తలాష్ కు కేవలం 80 కోట్ల ఆదాయం మాత్రమే వచ్చిందట. అసలు సల్మాన్ ఖాన్ రహస్యమేమిటని ఇప్పుడు బాలవుడ్ విశ్లేషకులు తలలు పట్టుకున్నారు.