Friday, October 31, 2014

తమిళ నాట కొత్త కూటములు


రాజకీయాల్లో ఎవరూ శాశ్వత మిత్రులు, శాశ్వత శత్రువులు ఉండరంటారు. అదే ఇపుడు తమిళనాట మరోమారు నిరూపితమయ్యే సందర్భానికి తెర లేచింది. డిఎంకె నేతృత్వంలో వచ్చే ఎన్నికల నాటికి పాత మిత్రులతో కొత్త కూటమి ఆవిర్భవించే అవకాశం కనిపిస్తోంది.


తమిళనాట రాజకీయ పరిణామాలు శరవేగంగా మారుతున్నాయి. అక్రమ ఆస్తుల కేసులో అన్నాడిఎంకే అధినేత్రి జయలలిత చిక్కుకోవడంతో-రాజకీయ లబ్ది పొందడానికి డిఎంకె పావులు కదుపుతోందిజయలలిత అవినీతిని అస్త్రంగా మలచుకుని వచ్చే ఎన్నికల్లో లబ్ది పొందాలని చూస్తోంది. ఒంటరి పోరుతో బలమైన అన్నాడిఎంకేను ఎదుర్కోవడం అంత ఈజీ కాదని భావిస్తున్న డిఎంకె పాతమిత్రులను దువ్వుతోంది. ఇందుకు పిఎంకే అధినేత అన్బుమణి రాందాస్ కూతురు పెళ్లి వేదికైంది.

ఇందిరాగాంధీ వర్ధంతిని బిజేపి ప్రభుత్వం మరచిందా?


సర్దార్వల్లభాయ్పటేల్జన్మ దినోత్సవం సందర్భంగా కేంద్ర నిర్వహిస్తున్న ఏక్తా దివస్వివాదాస్పదంగా మారింది. ఉక్కు మనిషిని గౌరవించడంపై అభ్యంతరం లేదు కానీ.. మాజీ ప్రధాని ఇందిరాగాంధిని అగౌరవపరుస్తున్నారంటూ కాంగ్రెస్ విమర్శలు అందకుంది..

ఇవాళ అక్టోబర్‌ 31... సర్దార్వల్లభాయ్పటేల్జన్మదినం. కేంద్రం ఎక్తా దివస్పేరుతో ఘనంగా నిర్వహిస్తోంది. దేశ వ్యాప్తంగా రన్ఫర్యూనిటీ పేరుతో కార్యక్రమాలు జరుగుతున్నాయి.
సర్దార్వల్లభాయ్పటేల్కు ఘనంగా నివాళి అర్పించడాన్ని స్వాగతిస్తూనే.. ఇందిరాగాంధీ సేవలను విస్మరిస్తారా అంటూ కాంగ్రెస్విమర్శలు దాడి చేసింది. దేశ ప్రధానిగా ఆమే చేసిన సేవలపై ఎందుకు మాట్లాడరని ప్రశ్నించారు. ఇదే రోజు ఇందిరాగాంధీ వర్ధంతి ఉన్నా.. కేంద్రం ఎందుకు పట్టించుకోవడం లేదని ప్రశ్నిస్తున్నారు. ఎన్డీయే రాజకీయం ఇందులో బయటపడుతోందని కాంగ్రెస్ఆరోపించింది. సర్దార్పటేల్ను కాంగ్రెస్ఎప్పుడూ గౌరవిస్తుందని గుర్తు చేశారు.

ఇక మార్స్ 2 మిషన్


మార్స్ఆర్బిటార్మిషన్‌.. మంగళ్యాన్విజయవంతమైంది. పరిశోధనలు ఉపందుకున్నాయి. ఇటీవల కక్ష్యలో ఢీకొట్టిన తోకచుక్కను సైతం తట్టుకుని సమాచారం పంపుతోంది. ఇస్రో శాస్త్రవేత్తల చూపు మార్స్‌ -2 మిషన్పై పడిందా? చంద్రయాన్‌-2 తర్వాత లక్ష్యం ఇదేనా?

విమర్శలు, అవమానాలను తట్టుకుని భారతీయ శాస్త్రసాంకేతిక విజ్ఞానం సత్తాను లోకానికి చాటారు. అతితక్కువ ఖర్చుతో మార్స్మిషన్విజయవంతం చేసి ప్రపంచదేశాలకు ఆదర్శంగా నిలిచారు. అగ్రదేశాలకు సైతం సాద్యం కాని విజయాలు భారత్సొంతమయ్యాయి. అరుణగ్రహంపై పరిశోధనలు కొనసాగుతున్నాయి. అమెరికాతో కలిసి కీలక సమాచారం సేకరించే పనిలో ఇస్రో ఉంది.

ఆంధ్రలో బిజేపిలోకి వలసలు

ఏపీలోనూ వలసలు ఉపందుకుంటున్నాయి.. కమలం గూటికి చేరేందుకు నేతలు లైన్‌ క్లియర్‌ చేసుకుంటున్నారు. ఉత్తరాంధ్రలో మాజీ ఎమ్మెల్యే వైసీపీకి రాజీనామా చేశారు. దక్షణ కోస్తాలో కూడా కమలనాధుల పలువురు నేతలతో మంతనాలు జరుపుతున్నట్టు తెలుస్తోంది..

ఉత్తరాంధ్రలో కొణతాల వర్గం బీజేపీ గూటికి చేరేందుకు రంగం సిద్ధం చేసుకుంటోంది. కొణతాల రాజీనామాకు పార్టీ ఆమోదించడంలో బీజేపీలో చేరడం దాదాపు ఖాయమైంది. కొణతాల నేరుగా కమలదళంతో చేరుతున్నట్టు అధికారికంగా ప్రకటించలేదు. ఆయన అనుచరుడు మాజీ ఎమ్మెల్యే గండి బాబ్జీ వైసీపీకి రాజీనామా చేయగా.. మరికొందరు నాయకులు కూడా పార్టీని వీడేందుకు రంగం సిద్ధం చేసుకుంటున్నారు. కొణతాలతో పాటు.. అరకు ఎమ్మెల్యే సర్వేశ్వరరావు పార్టీ వీడతారని తెలుస్తోంది. మిగిలిన నేతలు భవిష్యత్తులో బీజేపీ బలం పెరిగితే ఆలోచిద్దామన్నట్టు వేచిచూసే ధొరణిలో ఉన్నారు. ఇందులో విశాఖపట్నం సిటీ మాజీ ఎమ్మెల్యేలున్నారు. సబ్బంహరి కూడా కమలం గూటికి చేరడానికి సిద్ధమవుతున్నారు. ఇది కొణతాలకు ఇబ్బందిగా మారనుంది. అయితే పార్టీ హైకమాండ్‌ నుంచి హామీ లభిస్తే మాత్రం చేరేందుకు కొణతాల సుముఖంగా ఉన్నారు.

ప్రమాదంలో గాయపడిన వారిని ఆసుపత్రికి చేర్చండి మీకిక ఏ వేధింపులూ వుండవు.


కళ్ల ముందు ప్రమాదాలు జరిగినా బాధితులను కాపాడేందుకు చాలామంది ముందుకు రారు. సమయానికి చికిత్స అందకపోతే మృత్యువాత పడతారని తెలిసినా.. ఆదుకోవడానికి చేతులు రావు. ఇందుకు కారణం కోర్టులు, కేసులు.. ఆసుపత్రుల్లో సవాలక్ష ప్రశ్నలు. సాక్షులుగా వేధిస్తారన్న భయం. ఇక నుంచి బాధలు తప్పనున్నాయి. త్వరలోనే ఇలాంటి వాటికి చెక్పెడుతూ కొత్త మార్గదర్శకాలు రానున్నాయి.

ప్రమాదాల్లో గాయపడ్డ బాధితులను ఆదుకున్న వారిని గౌరవంగా చూడాలంటోంది సుప్రీంకోర్టు. సాక్ష్యాలు, విచారణల పేరుతో వారి సహనానికి పరీక్షల పెట్టవద్దంటోంది. ఆసుపత్రుల్లో ప్రశ్నలు.. పోలీసుల విచారణలతో విసుగుతున్న జనం బాధితులకు సాయం చేయడానికి ముందుకు రావడం లేదని.. ఇక ముందు ఇలా జరగకూడదని కోర్టు ఇటీవల ఆదేశించింది. ప్రజల్లో భయం పోగొట్టేలా.. ప్రజలు తమంతట తాము క్షతగాత్రులకు సాయం అందించేలా వాతావరణం ఉండాలని.. అవసరమైన మార్గదర్శకాలు విడుదల చేయాలని ప్రభుత్వాన్ని అత్యున్నత న్యాయస్థానం ఆదేశించింది. దీంతో ప్రభుత్వం ఆదిశగా అడుగులు వేస్తోంది.

YSR కాంగ్రెస్ పార్టీ నుంచి ఎందుకీ వలసలు

ఎక్కడ ఈ ‘‘తుళ్ళూరు’’ ? రాజధానిగా మారుతున్న గ్రామాల భూములు

రాజధాని నిర్మాణం నేపథ్యంలో గుంటూరు జిల్లా తుళ్లూరు మండలంపై ప్రతి ఒక్కరూ దృష్టి సారిస్తున్నారు. ఈ మండలం ఇప్పటి వరకూ చరిత్ర పుటల్లో అంత ప్రాచుర్యం పొందకపోయినా తాజా పరిణామాల నేపథ్యంలో దీని విశేషాలపై సర్వత్రా ఆసక్తి పెరుగుతోంది. తుళ్లూరుకు చేరుకోవాంటే నాలుగు ప్రధాన మార్గాలున్నాయి. విజయవాడ నుంచి ఉండవల్లి, పెనమాక మీదగా ఓ మార్గం ఉంది. గుంటూరు నుంచి వయా తాడికొండ, పెదపరిమి, అలాగే అమరావతి నుంచి హరిశ్చంద్రపురం, దొండపాడు మీదగా, మంగళగిరి యర్రబాలెం, మందడం మీదగా మొత్తం నాలుగు మార్గాలున్నాయి. 
తుళ్లూరు నుంచి విజయవాడకు 30కిలోమీటర్లు, మంగళగిరికి 25 కిలోమీటర్లు, తాడికొండకు 13, అమరావతికి 25 కిలోమీటర్ల దూరం ఉంటుంది.  నాలుగు కిలోమీటర్ల దూరంలో కృష్ణానది ఉంది.