Saturday, September 20, 2014

నలంద విశ్వవిద్యాలయానికి ప్రాచీన వైభవం వచ్చేనా?

ప్రపంచ ప్రసిద్ధి చెందిన నలంద విశ్వవిద్యాలయం పునఃప్రారంభమైంది. గుప్తుల కాలంలో మొదలైన యూనివర్సిటీని టర్కీ సైన్యం నాశనం చేసింది. అయితే ప్రభుత్వ చొరవతో మళ్లీ క్లాసులు ప్రారంభమయ్యాయి. యూనివర్సీటీ అభివృద్ధి కోసం భారత ప్రభుత్వం 2వేల 700 కోట్లు ఖర్చుచేస్తోంది

నలంద విశ్వవిద్యాలయం... ఒకప్పుడు ఆధ్యాత్మిక, వేదాంత శాస్ర్తాల్లో ప్రపంచానికే తలమానికం. గుప్తుల కాలంలో ప్రారంభమైన విశ్వవిద్యాలయంలో విద్యను అభ్యసించడానికి ప్రపంచంలోని అనేక దేశాల విద్యార్థులు పోటీ పడేవారు. 1193 టర్కీ సైన్యం దండయాత్రలో విశ్వవిద్యాలయం పూర్తిగా నేలమట్టం కావడంతో దాన్ని మూసేశారు.

బీహార్లోని రాజ్గిర్లో నలంద శిథిలాలు కనిపిస్తాయి. నలంద విశ్వవిద్యాలయానికి పూర్వ వైభవం తీసుకురావాలన్నది మాజీ రాష్ట్రపతి అబ్దుల్కలాం కల. దీనికి తోడు తూర్పు ఆసియా దేశాలు, ఆస్ట్రేలియా కూడా నలందకు మళ్లీ పూర్వ వైభవం తెచ్చేందుకు సిద్ధమయ్యాయి. నలంద పునఃనిర్మాణానికి చైనా తమ వంతుగా 1 మిలియన్డాలర్లు, ఆస్ట్రేలియా ఒక మిలియన్ఆస్ట్రేలియా డాలర్లు, సింగపూర్‌ 5.6 మిలియన్డాలర్లు ఇస్తామని ప్రకటించాయి. భారత ప్రభుత్వం 2020 నాటికి 2,700 కోట్లు ఇస్తామని ప్రకటించింది. విదేశీ వ్యవహారాల శాఖ మంత్రి సుష్మా స్వరాజ్విశ్వవిద్యాలయాన్ని లాంఛనంగా ప్రారంభించారు.

విశ్వవిద్యాలయంలో మొత్తం ఏడు కళాశాలలున్నాయి. ఇక్కడ సైన్స్‌, తత్వ శాస్త్రం, సామాజిక శాస్త్రం, ఆధ్యాత్మిక వాదాలను బోధిస్తారు. 15 మంది విద్యార్థులు, 10 మంది అధ్యాపకులతో ఈనెల 1 నలంద విశ్వవిద్యాలయం ప్రారంభమైంది. అధ్యాపకుల్లో ఒకరు అమెరికన్కాగా, మరొకరు సింగపూర్కు చెందిన వారు. విశ్వవిద్యాలయంలో ప్రవేశం కోసం 40కి పైగా దేశాల నుంచి వేయిమందికి పైగానే దరఖాస్తు చేసుకున్నా... వడపోత అనంతరం కేవలం 15 మందిని మాత్రం తీసుకున్నారు. వీరిలో ఒకరు నేపాల్‌ , మరొకరు భూటాన్కు చెందిన విద్యార్థి. ప్రస్తుతం గోపా సబర్వాల్విశ్వవిద్యాలయ వైస్ఛాన్స్లర్గా వ్యవహరిస్తున్నారు.



తెలుగుదేశం పార్టీ ఎందుకు జాతీయపార్టీ కావాలనుకుంటోంది ?

తెలుగుదేశం పార్టీని గతమహానాడులో జాతీయ పార్టీగా ప్రకటించారు. గతంలోకూడా ఇలాంటి ప్రయత్నాలు కొన్ని జరిగాయి. పార్టీ పేరును భారతదేశం పార్టీగా కూడా పెట్టాలన్న ఆలోచన వ్యక్తం అయ్యింది. కానీ ఇది ఏనాడూ నిర్ధిష్ట రూపాన్ని సంతరించుకోలేదు. ఆమాటకోస్తే తెలుగుదేశం నాయకత్వం కూడా ఈ దిశగా సీరియస్ ప్రయత్నాలేవీ చేయలేదు. అకస్మాత్తుగా రాష్ట్ర విభజన నేపద్యంలో టిడిపిని ఆదరాబాదరాగా జాతీయ పార్టీగా ప్రకటించారు.

ప్రకటనైతే జరిగింది కానీ ప్రయత్నాలేవీ లేవు. రెండు తెలుగు రాష్ట్రాల్లో మినహా ఇతర రాష్ట్రాలలో ఎక్కడా  కూడా టిడిపీ శాఖలు ఏర్పాటు కాలేదు. ఈ దిశగా ఆలోచిస్తున్నట్లు కూడా కనిపించడం లేదు. మరి ఎందుకని మహానాడులో జాతీయ పార్టీగా నామకరణం చేసారు.

రాష్ట్ర విభజన నేపద్యంలో రెండు తెలుగు రాష్ట్రాల మధ్య అనేక వివాదాలు వస్తున్నాయి. మరోవైపు ఆంధ్రప్రదేశ్ రాష్ట్రానికి చంద్రబాబు నాయుడు ముఖ్యమంత్రి అయ్యారు. ఈ హోదాను ఆ రాష్ట్ర ప్రయోజనాలను కాపాడడం ఆయన భాద్యత అదే సమయంలో అనుకున్న దానికన్నా తెలంగాణాలో ఎక్కవ సీట్లు రావడంతో ఇక్కడ ఆశలు సజీవంగా వున్నాయి. ఇక్కడ టిఆర్ ఎస్ అధికారంలోకి రావడంతో టిడిపి పై ఆంధ్రాపార్టీ అంటూ దాడి జరుగుతోంది. చంద్రబాబు నాయుడును ఆంధ్రానాయకుడంటూ టిఆర్ ఎస్ విమర్శిస్తోంది. ఇందుకు సమాధానమే జాతీయ పార్టీ అవతారం.

చంద్రబాబు నాయుడుకు జాతీయ రాజకీయాల్లో గుర్తింపు వున్న మాట నిజమే అధికారంలో వున్న సమయంలోనే యునైటెడ్ ప్రంట్ కు కన్వీనర్ గా వ్యవహరించారు. యన్ టి రామారావు. నేషనల్ ప్రంటుకు నాయకత్వం వహించారు. అయితే జాతీయ పార్టీగా రూపొందడానికి ఇవి మాత్రమే సరిపోవు. జయలలిత పార్టీలో ఆలిండియా అన్న పేరున్నా కూడా జాతీయ ప్రభావం ఏమీ లేదు. తెలుగు దేశం కూడా పార్టీకి జాతీయ వైభవం తెస్తుందన్న సూచనలేవీ లేవు.

తక్షణ రాజకీయ దాడిని తట్టుకునేందుకే ఈ జాతీయ పార్టీ ప్రకటన.

(ప్రొఫెసర్.కె.నాగేశ్వర్)

తెలుగుదేశం పార్టీని జాతీయ పార్టీగా మార్చనున్నారా?


విజయవాడకు తరలు తున్న చంద్రబాబు జగన్ లు

ఇప్పటికే విజయవాడలో కూడా తన నివాసాన్ని ఏర్పాటు చేసుకోవాలని చంద్రబాబు నిర్ణయించుకున్నారు. అనువైన ప్రదేశం కోసం గత నెలరోజులుగా టిడిపి నేతలు అన్వేషిస్తున్నారు. తరచూ హైదరాబాద్ విజయవాడ మధ్య చంద్రబాబు ప్రయాణం చేయవలసి వుంటుంది కనుక గన్నవరం విమానాశ్రయానికి సమీపంలో ఆయన నివాసం వుండవచ్చని కూడా టిడిపి వర్గాలు చెప్పుకుంటున్నాయి. ఈ లోగా విజయవాడలో జగన్ కు అనువైన నివాసం కోసం వైసిపి వర్గాలు కూడా అన్వేషణ మొదలెట్టాయి. అసెంబ్లీ, సచివాలయానికి సమీపంలో జగన్ నివాసమూ, పార్టీ కార్యాలయమూ వుంటే బావుంటుందని పార్టీ వర్గాలు భావిస్తున్నాయి. అయితే రాజధాని విజయవాడ పరిసరాల్లో అని ప్రకటించారు కానీ సరిగ్గా ఎక్కడ వస్తుందో తెలియదు. అసెంబ్లీ, సచివాలయాల నిర్మాణం ఎక్కడ జరుగుతుందో తెలియదు. దీంతో జగన్ నివాసంపై తేల్చుకునేందుకు వైసిపి వర్గాలు తిప్పలు పడుతున్నాయి.

అందుకే చంద్రబాబు నివాసం పై స్పష్టత వస్తే జగన్ నివాసం ఎంపిక కూడా సులభం అవుతుందని వైసిపి లోని మరికొందరు నేతలు అంటున్నారు. 

తెలంగాణా సర్వేలో కవర్ కానీ కుటుంబాలు 12 లక్షలు, ఏం చేయాలో ఆలోచిస్తున్న సర్కార్

సామాజిక,ఆర్థిక సర్వేలో చోటుచేసుకోని కుటుంబాలు లక్షల్లో ఉన్నాయన్న సంగతి తెలిసిందే. నిజానికి జిహెచ్‌ఎంసి పరిధిలోనే దాదాపు 1.50 లక్షలకుపైగా ఉన్నట్లు సమాచారం. అలాగే వరంగల్‌, ఖమ్మం, ఆదిలాబాద్‌ జిల్లాల్లో మరో 10 వేల చొప్పున కుటుంబాలు సర్వేకు దూరమయ్యాయి. కాగా సర్వే జరిగిన రోజున తెలంగాణ వ్యాప్తంగా ఇళ్లకు తాళాలు వేసినవి మరో రూ. 6 లక్షల వరకు ఉంటాయని అధికారులే చెబుతున్నారు. 

సర్వే ఫారాల కొరత సైతం ప్రజలను ఇబ్బంది పెట్టింది. తెలంగాణ గ్రామీణ పేదరిక నిర్మూలన సంస్థ(సెర్ప్‌) సర్వే కోసం 1.20 కోట్ల ఫారాలను ముద్రించింది. కాగా హైదరాబాద్‌ సర్వే ఫార్మాట్‌ ప్రత్యేకంగా రూపొందించిన సంగతి విదితమే. ఫారాలను విరివిగా ప్రింట్‌ చేసినప్పటికి, వాటిని జిల్లాలకు పంపించడంలో చోటుచేసుకున్న నిర్లక్ష్యం మూలంగా ఇప్పుడు కొన్ని లక్షల మంది సర్వేలో చోటుకోల్పోయారు. సర్వే ఫారాల కొరత మూలంగా దాదాపు రాష్ట్రవ్యాప్తంగానే దాదాపు 4 లక్షల కుటుంబాలు జిరాక్స్‌ ఫారాల్లో తమ వివారాలను నింపాల్సి వచ్చింది. తాళాలు వేసిన ఒక్కో ఇంటిని, ఒక్కో కుటుంబంగా లెక్క వేయాల్సిందేనని అంటున్నారు. దీంతో తాళాలు వేసిన 6 లక్షల ఇళ్లు, జిరాక్స్‌ పత్రాలు సమర్పించిన 4 లక్షల కుటుంబాలు, సర్వే చేయని మరో 2.20 లక్షల కుటుంబాల గురించి ఏంచేస్తారనే సంగతి తెలియకుండా ఉంది. మొత్తం 12.20 లక్షల కుటుంబాలు ప్రస్తుతం సర్వే నివేదికలో స్థానం లేకుండాపోయింది. వీరిపై విధానపరమైన నిర్ణయం తీసుకోవాల్సి ఉందని, ఇది ముఖ్యమంత్రి పరిధిలో ఉంటుందని పంచాయతీరాజ్‌శాఖ ముఖ్య అధికారులు చెబుతున్నారు.
(ప్రొఫెసర్.కె.నాగేశ్వర్)

సమగ్ర కుటుంబ సర్వే: తెలంగాణా సర్కారు ముందు అనేక ప్రశ్నలు

తెలంగాణా సమగ్ర సర్వే: సమాచార రక్షణ ఎలా?

               
 సమగ్ర సర్వే ద్వారా వచ్చిన సమాచారాన్ని ఎలా భద్రపరచాలనే ఆలోచనలో ప్రభుత్వం ఉన్నట్లు అధికార యంత్రాంగం చెబుతోంది. తొలుత మొత్తం డేటాను ఆన్‌లైన్‌లో పెడతామని ముఖ్యమంత్రి కెసిఆర్‌ ప్రకటించిన సంగతి తెలిసిందే. ఇప్పుడు ఆ విషయంలోనూ పునరాలోచిస్తున్నట్లు అధికారులే అంటున్నారు. సాధారణ సమాచారం మినహా వ్యక్తిగత అంశాలేవి ఆన్‌లైన్‌లో పెట్టకూడదని ఉన్నతాధికారులు ముఖ్యమంత్రికి సూచించినట్లు తెలిసింది. దీనిపై ఇతమిద్దంగా నిర్ణయమేమి ఇంకా జరగలేదు. అయితే అన్ని ప్రభుత్వ శాఖలకు అందుబాటులో ఈ సర్వే వివరాలను అవసరమైన మేరకు ఇవ్వనున్నారని తెలిసింది.

                  సామాజిక,ఆర్థిక సర్వే సమాచారాన్ని రాష్ట్ర స్థాయి అధికారుల నుంచి గ్రామస్థాయి అధికారుల వరకు అందుబాటులో ఉంచాలని మొదట భావించారు. సాఫ్ట్‌ కాపీలను అధికారుల టేబుళ్ల మీద పెట్టుకోవాలని సూచించారు. అయితే ఈ విషయంలోనూ మార్పులు, చేర్పులు చోటుచేసుకోనున్నట్లు తెలిసింది. కేవలం జివోలు జారీచేసే అధికారాలున్న ఆయా ప్రభుత్వ శాఖల ముఖ్యకార్యదర్శుల అధికారులకు మాత్రమే సమగ్ర సర్వే సమాచారం పాస్‌వర్డ్‌లను అందుబాటులో ఉంచుతారని అంటున్నారు. సమాచారం విశ్వసనీతయను కాపాడాలనే ఆలోచనలో ప్రభుత్వం ఉన్నట్లు అధికారులు చెబుతున్నారు. బ్యాంకు ఖాతాల విషయంలో ప్రజల ఇష్టానికి వదిలేయాలని సర్వే జరిగే తేదీకి రెండు రోజుల ముందు హైకోర్టు తీర్పునిచ్చిన విషయం విదితమే. దీంతో అప్పట్లోనే ఎక్కువ కుటుంబాలు తమ బ్యాంకు లావాదేవీలకు సంబంధించి ఖాతాల వివరాలను సమగ్ర సర్వేలో చెప్పడానికి నిరాకరించారు. ఖాతా ఉందని చెప్పినా, కొందరు అకౌంట్‌ నెంబరు ఇవ్వడానికి నిరాకరించారు కూడా. దింతో ఆ విషయంలో సర్వే అసమగ్రంగా ఉందనే చెప్పాలి. 

(ప్రొఫెసర్.కె.నాగేశ్వర్)

సమగ్ర కుటుంబ సర్వే: తెలంగాణా సర్కారు ముందు అనేక ప్రశ్నలు

సమగ్ర కుటుంబ సర్వే: తెలంగాణా సర్కారు ముందు అనేక ప్రశ్నలు

సమగ్ర కుటుంబ సర్వే-2014పై తెలంగాణా సర్కారు కు కొత్త సవాళ్ళు ఎదురవుతున్నాయి. ..? 
 డేటా రక్షణకు ఏం చేయాలి ? 
ఆన్‌లైన్‌లో పెట్టాలా ? 
పెడితే వచ్చే సమస్యలేంటి ? 
ఇవి ప్రస్తుతం తెలంగాణా ప్రభుత్వం మదిలో చెలరేగుతున్న సందేహాలు. అనుమానాలు కూడా. సర్వే చేయడం ద్వారా తాము చేసిన ప్రయోగం సక్సెస్‌ అయినా, దాని లక్ష్యం నెరవేరుతుందా ? లేదా ? అనే ప్రశ్నలు సర్కారు మెదడును తొలుస్తున్నాయి. 

సర్వే సమాచారం కంప్యూటరీకరణ పూర్తయిన నేపథ్యంలో ముఖ్యమంత్రి కె.చంద్రశేఖర్‌రావు ప్రభుత్వం ముందు వేసుకున్న అంచనాలు, చేసిన ఆలోచనలు వాస్తవవిరుద్ధంగా ఉన్నాయనే భావనలో ఉన్నట్లు విశ్వసనీయ అధికారవర్గాలు చెబుతున్నాయి. సమాచారాన్ని క్రోడీకరణ పూర్తయింది. దాదాపు 18 నుంచి 23 రకాల ప్రాతిపదికల ఆధారంగా విశ్లేషించి సర్కారు సంక్షేమ పథకాలను సర్వే ద్వారా కార్యాచరణలో పెట్టాలనే సంకల్పం ఉంది. ఆ ప్రాతిపదికలేంటనే విషయంలో ప్రభుత్వం గోప్యతను పాటిస్తోంది. కంప్యూటరీకరణ పూర్తయిన నేపథ్యంలో రాష్ట్ర జనాభా 3.61 కోట్ల మేర లెక్క తేలింది. అదే సందర్భంగా 1.05 కోట్ల మేరకు కుటుంబాలు ఉన్నట్లు అధికారులు చెబుతున్నారు. కుటుంబాల సంఖ్య పెరిగినా, జనాభా సంఖ్య పాత లెక్కలతో పొలిస్తే పెద్దగా పెరగలేదు. 

ఇకపోతే హైదరాబాద్‌ మహానగర జనాభా విషయంలోనూ తేడాలున్నట్లు తెలుస్తోంది. అయితే ప్రభుత్వం సర్వే ద్వారా సేకరించిన సమాచారాన్ని ఏ పద్దతుల్లో వినియోగించుకోవాలనే విషయమై మల్లాగుల్లాలు పడుతోంది. ఆధార్‌ లేని కుటుంబాలకు కార్డులిచ్చే విషయమై ఆలోచిస్తున్నట్లు తెలిసింది. 

(ప్రొఫెసర్.కె. నాగేశ్వర్)

              

సమగ్ర సర్వేతో సీన్ రివర్స్ కానుందా?


చంద్రబాబు వేగంగా హైదరాబాదును వెకేట్ చేస్తున్నారా?

హైదరాబాదు పదేళ్ళ పాటు ఉమ్మడి రాజధానిగా వుంటుంది. తెలంగాణావారు రెండు మూడేళ్ళు చాలు అంటే సమైక్యవాదులు అంగీకరించలేదు. విభజన అంటూ జరిగితే కనీసం పదేళ్ళయినా హైదరాబాదు ఉమ్మడి రాజధానిగా వుండాలన్న డిమాండు వచ్చింది. అందుకు కేంద్రం అంగీకరించింది. కానీ ప్రస్తుతం ఆంద్రప్రదేశ్ పాలకుల పరిస్థితి కొత్తపెళ్ళికూతురు తరహాలో వుంది.

పెళ్ళిలో అప్పగింతల సమయంలో ఆ పెళ్ళికూతురు తల్లిదండ్రులను వదిలి వెళ్తున్నందుకు దు:ఖిస్తుంది. కానీ కాపురానికి వెళ్ళాక తల్లిగారింటికి వచ్చినపుడు నాలుగు రోజులు వుండిపో అంటే అసలే వీలుకాదు అంటుంది. ఇప్పుడు చంద్రబాబు ప్రభుత్వం శైలి అలాగే వుంది. వీలయినంత త్వరగా పాలనా వ్యవహారాలను విజయవాడకు తరలిస్తున్నారు. కీలక శాఖల ప్రధాన కార్యాలయాలు తాత్కాలిక భవనాలలో విజయవాడనుంచే నిర్వహించేందుకు సిద్ధం అవుతున్నారు. ముఖ్యమంత్రి కూడా వారంలో ఐదు రోజులు విజయవాడ నుంచే విధులు నిర్వహిస్తామంటున్నారు.

అంతే కాదు విజయవాడను ఆంధ్రప్రదేశ్ రాజకీయాలకు రాజధానిగా చేసే చర్యలు కూడా మొదలు పెట్టారు. టిడిపి, బిజేపి యంపిల సమావేశాన్ని హైదరాబాదులో కాకుండా విజయవాడలో నిర్వహిస్తున్నారు. తప్పులేదు రాష్ట్రమంటూ ఏర్పడ్డాక రాజకీయాల, పాలనా కేంద్రం మారక తప్పదు కదా.

(ప్రొఫెసర్.కె.నాగేశ్వర్)