Saturday, October 25, 2014

చిన్నారులతో తుపాకులు పట్టిస్తున్న ఐఎస్ఐస్

అక్షరాలు దిద్దాల్సిన చేతులు ఏకె.47 పట్టుకుంటున్నాయి. ఆటపాటల్లో మునిగి తేలాల్సిన పసిప్రాణాలు విధ్వంసరచనలో భాగమవుతున్నాయి. అమ్మలాలనకు, నాన్న పాలనకు దూరమై ఉగ్రవాద భూతాల కోరల్లో చిక్కుకున్నాయి. పచ్చి నెత్తుటి రుచి మరిగిన తీవ్రవాదుల చేతుల్లో బందీలై ఆత్మాహుతి దళాలుగా పురుడు పోసుకుంటున్నాయి.
ప్రపంచాన్ని తన గుప్పిట్లోకి తీసుకునేందుకు ప్రయత్నిస్తున్న ఇస్లామిక్స్టేట్ఆఫ్ఇరాక్అండ్ సిరియా ISIS  చేస్తున్న దాష్టీకాలు అన్ని ఇన్నీ కావు. ఇప్పటికే మెజారిటీ ప్రజలను తన వైపుకు తిప్పుకున్న ISIS చిన్నారుల జీవితాలను కూడా కలుషితం చేస్తోంది. పాపం, పుణ్యం తెలియని పసిప్రాణాలను మాయమాటలతో ఉగ్రవాదులుగా మారుస్తోంది.

ఆంధ్రప్రదేశ్‌లో మెట్రో రైలు ఏ మేరకు సాధ్యం?

ఆంధ్రప్రదేశ్రాష్ట్రంలో మెట్రో రైలు నిర్మాణానికి ఇబ్బందులు తప్పవా? ప్రాజెక్టు సాఫీగా సాగాలంటే  అందుకు అనువైన ప్రాంతాలు ఉన్నాయా? ప్రస్తుతం ఉన్న రోడ్లు ఎంతవరకు అనుకూలిస్తాయి? మెట్రో ప్రాజెక్టుకు కావాల్సిన స్థలమెంత? చేపట్టాల్సిన రోడ్ల విస్తరణ ఎంత? విజయవాడలో మెట్రోను పట్టాలెక్కించే బాధ్యత తీసుకున్న శ్రీధరన్బృందం నివేదికలో అసలు ఏముంది?
నవ్యాంధ్రప్రదేశ్లో మెట్రో రైల్ఏర్పాటుకు ఆదిలోనే ఆటంకం ఏర్పడే పరిస్థితి నెలకొంది. ఓవైపు ప్రాజెక్ట్ను ప్రతిష్టాత్మకంగా పూర్తి చేయాలని సీఎం చంద్రబాబు ఆలోచిస్తుంటే.. మరోవైపు మెట్రో నిపుణుల బృందం నిర్ణయం అందుకు విరుద్ధంగా ఉంటోంది.

నిరుపయోగంగా మారిన బెజవాడ పోలీస్‌ క్వార్టర్స్‌


ప్రజల రక్షణ కోసం పనిచేసే ఖాకీలకే రక్షణ కరువైంది. ఎప్పుడు కూలుతాయో తెలియని ఇళ్లలో ఉంటూ ప్రాణాలు అరచేతిలో పెట్టుకుని కాలం గడిపేస్తున్నారు. అయినా తమ గోడును ఉన్నతాధికారులు పట్టించుకోవడం లేదని పోలీసులు ఆవేదన వ్యక్తం చేస్తున్నారు.
విజయవాడ పోలీస్కమిషనరేట్పరిధిలోని 20 పోలీస్స్టేషన్లలో 2347 మంది పోలీసు సిబ్బంది విధులు నిర్వహిస్తున్నారు. వీరు నివసించేందుకు సరిపడా క్వార్టర్స్లేవు.. ఉన్నా అవి అరకొర వసతులతోనే ఉన్నాయి. హనుమాన్పేటలోని పోలీసుల ఇళ్లలో పైకప్పుల పెచ్చలు ఊడిపోయాయి. గోడలు బీటలు వారి భయానకంగా ఉన్నాయి. దీంతో క్వార్టర్స్లో ఉండేవాళ్లు నిత్యం బిక్కుబిక్కుమంటూ జీవనం వెళ్లదీస్తున్నారు. డ్రైనేజి పైపులు పగిలిపోయి పరిసరాలు అపరిశుభ్రంగా మారాయి.

హైదరాబాద్ సంస్కృతిక ప్రతీక ‘‘సదర్’’ దున్నల పండుగ

ఆచార వ్యవహారాలు, సంస్కృతి, సాంప్రదాయాలకు హైదరాబాద్పెట్టింది పేరు. దీపావళి తర్వాత యాదవులు నిర్వహించుకునే సదర్కార్యక్రమం కూడా ఇందులో భాగం. ఉత్సవాలను యాదవులంతా ఎంతో ఉత్సాహంగా జరుపుకున్నారు.
భిన్న సంస్కృతులు, విభిన్న ఆచారాలకు ఆలవాలమైన హైదరాబాద్నగరంలో ఏటా నిర్వహించే సదర్ఉత్సవాలను యాదవులు ఎంతో ఘనంగా నిర్వహించారు. నగరంలోని గోల్కొండ, చప్పల్ బజార్సైదాబాద్ ప్రధాన రోడ్డు, చంచల్గూడ జైలు, కాచిగూడలోని నింబోలి అడ్డ ప్రాంతాలలో దున్నపోతులను అందంగా అలంకరించి సదర్ మేళా పెద్ద ఎత్తున నిర్వహించారు.

గుప్త నిధులున్నాయా..? ఉంటే ఎక్కడున్నాయి...?

గుప్త నిధులున్నాయా..? ఉంటే ఎక్కడున్నాయి...? ఇది కొందరి ఆలోచన... దీంతోనే పరిశోధిస్తున్నారు.. అన్వేషిస్తున్నారు.. నిధులు దొరుకుతాయన్న అత్యాశతో ముఠాలుగా ఏర్పడి అరాచకం సృష్టిస్తున్నారు... గుంటూరులో కొందరు గుర్తు తెలియని దుండగులు అదే పని చేశారు.
గుప్త నిధుల కోసం నిత్యం ఎక్కడో ఒకచోట వేట కొనసాగుతూనే ఉంది. పురాతన ఆలయాలను టార్గెట్గా చేసుకుని తవ్వకాలు కొనసాగుతున్నాయి.
గుంటూరు జిల్లా నగరం మండలం యాదవపాలెం పోలీస్ స్టేషన్ సమీపంలో శిథిలావస్థలో ఉన్న శివుడు, వీరబ్రహ్మం ఆలయాల్లో గుప్త నిధుల కోసం ఆగంతకులు మూడు రోజులుగా తవ్వకాలు నిర్వహించారు. తవ్వకాల్లో 400 కిలోల ఒక పెట్టె బయటపడింది. అయితే పెట్టెను తెరిచేందుకు ఆగంతకులు విశ్వప్రయత్నం చేసి విఫలం చెంది పలాయనం చిత్తగించారు. విషయాన్నిస్థానికులు పోలీసులకు సమాచారం ఇచ్చారు.

ఆళ్లగడ్డ చరిత్రలో సరికొత్త రికార్డు

ఆళ్లగడ్డ చరిత్రలో సరికొత్త రికార్డు నమోదైంది. ఐదు దశాబ్దాల కాలంలో మొదటి సారిగా ఇక్కడి అసెంబ్లీ నియోజకవర్గ ఉప ఎన్నిక ఏకగ్రీవమైంది. టీడీపీ, కాంగ్రెస్లు సంప్రదాయానికి మద్దతుగా పోటీకి దూరమయ్యాయి. ఆరుగురు స్వతంత్ర అభ్యర్థులు సైతం పోటీ నుంచి వైదొలగడంతో..  వైసీపీ అభ్యర్థి భూమా అఖిలప్రియ ఏకగ్రీవమైనట్లు రిటర్నింగ్అధికారులు ప్రకటించారు.
కర్నూలు జిల్లా ఆళ్లగడ్డ అసెంబ్లీ నియోజకవర్గం 1962లో ఏర్పడింది. అప్పటి నుంచి ఇప్పటి వరకు స్థానానికి 16 సార్లు ఎన్నికలు నిర్వహించగా ప్రధాన పార్టీలన్నీ పోటీ చేశాయి. 1967 నుంచి ఎస్వీ, భూమా, గంగుల కుటుంబీకుల మధ్యే రాజకీయ పోటీ సాగుతోంది. ఇప్పటి వరకు 8 సార్లు భూమా కుటుంబీకులు గెలవగా, ఎస్వీ సుబ్బారెడ్డి ఒకసారి విజయం సాధించారు. ఐదు సార్లు గంగుల కుటుంబీకులు పైచేయి సాధించారు. ముగ్గురు స్వతంత్ర అభ్యర్థులు కూడా గెలుపు బావుటా ఎగురవేశారు.

ఔటర్ రింగ్ రోడ్ తో తీరనున్న విజయవాడవాసుల కష్టాలు

విజయవాడ నగర వాసులకు ట్రాఫిక్కష్టాలు తీరబోతున్నాయి. నగరాన్ని అంతర్జాతీయ స్థాయిలో అభివృద్ది చేసేందుకు ప్రణాళికలు సిద్ధం చేస్తున్నారు. ఇందులో భాగంగానే విజయవాడ నగరం చుట్టూ ఔటర్రింగ్రోడ్డుకు కేంద్రం సుముఖత వ్యక్తం చేసింది.

హైదరాబాద్ఔటర్రింగ్రోడ్డు తరహాలో విజయవాడ-గుంటూరు-తెనాలిల చుట్టూ 180 కిలోమీటర్ల పొడవున రింగ్రోడ్డు కోసం ఆగస్టు 25 ప్రధాని మోడీకి ఏపీ సీఎం చంద్రబాబు లేఖ రాశారు. దీనిపై స్పందించిన ప్రధాని లేఖను కేంద్ర రోడ్డు రవాణాశాఖ మంత్రి నితిన్గడ్కరీకి పంపారు. అన్ని అంశాలను పరిశీలించిన అనంతరం కేంద్రం ఓఆర్ఆర్కు సుముఖత వ్యక్తం చేస్తూ రాష్ట్ర ప్రభుత్వానికి సమాచారం పంపారు. అయితే ఓఆర్ఆర్కోసం రాష్ట్ర ప్రభుత్వమే భూమి సేకరించి ఇవ్వాలని షరతు పెట్టారు.